Hazir Letifeler Gulmeli Letifeler
Letifeler ashagidaki herflere gore qruplashdrilib

ÖLÜYƏM - Gulmeli Letife, Prikol A B C Ç D E Ə F G H X I J K Q L M N O Ö P R S T U Ü V Y Z

ÖLÜYƏM Letifesi

Gecələrin birində Mollanın yolu qəbiristandan düşür. Yazığın
onsuz da qorxa-qorxa getdiyi bəs deyil, bu tərəfdən də qabağına bir
dəstə atlı-quldur çıxır. Molla tez qaçıb girir bir köhnə qəbrə ki, onu
soymasınlar. Quldurlar bir adamın qaçıb qəbrə girdiyini görüb, alırlar
başının üstünü, çəkib qəbirdən çıxardırlar. Quldurbaşı soruşur:
– A kişi, kimsən?
Molla deyir:
– Ölüyəm, başına dönüm!
Quldurbaşı soruşur:
– Necə yəni ölüsən? Nə danışırsan?
Molla deyir:
– Nə danışacağam?.. Ölüyəm də... Bu qəbiristanın ölülərindənəm.
Qəbrim də, bax, elə budur.
Quldurbaşı deyir:
– A kişi bizi dolamısan, ya özünü? Ölü də danışar?
Molla baxır ki, işi korlayıb. Deyir:
– Səhv eləmişəm, qardaş! Gərək danışmayaydım.
Quldurbaşı əmr eləyir ki:
– Buna bir-iki yaxşı kötək vurun, bir də belə səhvlər eləməsin.
Quldurlar Mollanı aralığa alıb döymək istəyəndə Molla deyir:
– Ay canım, siz dirilər gündə min səhv eləyirsiniz, heç sizi döyən
olmur, indi mən ölü ömrümdə bir dəfə səhv eləyib sizin əlinizə
düşmüşəm. Məni öldürməyəcəksiniz ki?..
Anarim.Az - in Letifeler Toplusu Bolumu

Letifeler Toplusu

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019