Molla bir gün evinə gedəndə dostları onun qabağını kəsib deyirlər:
– Bizi gərək evə aparıb qonaq eləyəsən.
Molla hər nə qədər deyirsə ki:
– Vallah, evdə heç-zad yoxdur.
Əl çəkmirlər. Axırda Molla əlacsız qalıb razı olur. Hamısı bir yerdə
gəlirlər. Qapıya çatanda Molla deyir:
– Siz burada dayanın, mən arvada deyim başına bir şey örtsün.
Molla girir içəriyə. Əhvalatı arvada danışıb göndərir qapıya ki:
– Get onları sal yola, getsinlər.
Arvad çıxır qapıya, özünü bilməməzliyə qoyub soruşur:
– Burada niyə dayanıbsınız?
Deyirlər:
– Mollanı gözləyirik.
Arvad deyir:
– Molla evdə yoxdu. Səhərdən gedəndi, hələ gəlməyib:
Deyirlər:
– Canım, necə gəlməyib? Kişi elə bu saat bu qapıdan girdi evə ki...
Arvad deyir, qonaqlar deyir, axırda Molla səbr eləyə bilməyib
başını pəncərədən çıxarıb deyir:
– Canım, siz nə qəribə adamsınız? Niyə boş yerə mübahisə
eləyirsiniz? Bəlkə qapımız ikidir, bu qapıdan girib, o qapıdan çıxıb
getmişəm.