Hazir Atalar Sozleri

Atalar sozleri ashagidaki herflere gore qruplashdrilib

A  B  C  Ç  D  E  Ə  F  G  H  X  I  J  K  Q  L  M  N  O  Ö  P  R  S  T  U  Ü  V  Y  Z 

• Yoxsulluğa öyrənən, dövlətlidən iyi keçinər. (Türk atalar sözü)
• Yuvanı dişi quş edər (İngilis atalar sözləri)
• Yalnız bir dəli suyun dərinliyini iki ayağı ilə ölçməyə səy göstərər. (Afrika atalar sözü)
• Yaxşı şagird, ustası yoxkən aydın olur. (Braziliya atalar sözləri)
• Yaxındakıları xoşbəxt et, uzaqdakılar gələcək. (Çin atalar sözləri)
• Yoldaşın yaxşıdırsa, uzun demə yoluna.
• Yaxşılığı itirəndən, duz çörək umma.
• Yaxşılıq açan qapıya, sevgi qonar.
• Yaxşılıq ağac başında - tutmaq çətin, yamanlıq ayaq altında - atmaq çətin.
• Yay qış bilə qarışdı, ərdəm yasın qurışdı.
• Yaza çıxarsan – tərə yesəndə, kərə yesəndə.
• Yazı varsa, azı yox.
• Yazılı gora girməz, görməyincə yazısın.
• Yazıdan, azı yox.
• Yazılı yazısın gördü, gora girdi.
• Yazıya, əyri oxuyanlar girir.
• Yazmadan yazar olmaz, gəzmədən gəzər olmaz, qazmadan qazar olmaq.
• Yeddi dərə qoxuların, tülkü bilir.
• Yəhərsiz ata, yük çatılmaz.
• Yelinən yetər, odunan itər.
• Yıxılmağın bilməyən, ayaq üstdə qalamaz.
• Yetdim dedin, yıxılma, doldum dedin, tökülmə.
• Yiyəsinə baxıb, mıxını çalır.
• Yiyəsiz mal, ya elə gedər, ya yelə.
• Yiyəsiz qarqış yerin tapar.
• Yol uzaq, eşşək çolaq.
• Yüngülü yel alar, ağır yerində qalar.
• Yüz beynin olsada, birgə bilənlə danış.
• Yuxlayan yuxudakını haçan oyaldar (uyur uyuru haçan uyara?).
• Yat qara öküzüm, yat, borc verən gələr, ya səni aparar, ya məni.
• Yağlı dilə alışma tez, acı sözə qabarma, döz.
• Yağlı gözə piy dürtürlər.
• Yağmasan da bir gurulda.
• Yağın aşa nə zərəri.
• Yağışdan sonra gün çıxar.
• Yağını aşaqlasan, başa çıxar.
• Yağış yağa toprağa, heyvan qaçar otlağa.
• Yağış yağsa toz qopmaz.
• Yağsa yağış, bitər qamış.
• Yağsız malı, qurd yesin.
• Yalançı, iki üzlü.
• Yalançılığı bilməyən, doğrunu itirər.
• Yalançının doğrusunada inanma !.
• Yalançının evi yanmış, kimsə inanmamış.
• Yalançının gözü çıxsın.
• Yalançının şahidi çox, arasanda heç biri yox.
• Yalavacın, elçisin, başcısın yalanlayan eldən, el olmaz.
• Yalnız qalan özü danışar özü eşidər.
• Yalnız qaz ötməz.
• Yalnız yatan öz yerini özü yığar.
• Yamağı tapılmayan geyimi, geymə.
• Yamalı ata min, yamalı ada yox.
• Yaman qohum: - varın olsa, görə bilməz, yoxun olsa verə bilməz.
• Yamana aş versəndə, iş vermə.
• Yamana verdin aşın, o yerdən daşın.
• Yamanı pullu deyib yaxın durma, yabını yallı deyib satın alma.
• Yamanın sözü gəlsin, özü yox.
• Yamanın yaxşıya verəsi nə, axmağın, ağıllıdan alası nə.
• Yansın çıraqı, gəlsin sorağı.
• Yan gedən yardan yar olmaz.
• Yanığın nəyi varki yoluğa verə.
• Yaz bir gül ilə başlayar, mini ilə bitər.
• Yatma tülkü daldasında qoy yesin aslan səni.
• Yerlərdir haman yerlər,
  Görünməz oldu ellər.
• Yaxşı igid dayısına çəkər, xatın qız xalasına.
• Yaxşı demişlər, vardan etmişlər, igid demişlər, candan etmişlər.
• Yaxşı yaxşıya pay verər. Dilənçi dilənçidən pay güdər. Yaxşı yaxşıdan pay güdməz.
• Yox yerdən əzrəyildə can ala bilməz.
• Ya dövlət başa, ya quzğun leşə.
• Yaza çıxardı danasın, bəyənməz oldu anasın.
• Yeddi lələ baxtığı çocuğun, gözü çıxmış.
• Yeni yenidi, yamalı yeni.
• Yol azabı, gör azabı.
• Yolqa güdən yola çıxar: qazaş güdən qazana girər.
• Yolun açıq, düşmanın basıq (olsun).
• Yoxsul qızına, qızıl demiş, kor itinə (itirdiyinə) gümüş.
• Yüz bələnin başını bir bələn kəsər.
• Yanan də mən, yaman də mən.
• Yel aparan yelinki,
  Yerdə qalan mənimki.
• Yalançını mənzilinədək qov!
• Yellə gələn sellə gedər.
• Yaxşı oğul ata malını neylər,
  pis oğul ata malını neylər!
• Yaş olma, – sıxarlar, quru olma, - sındırarlar.
• Yalanla dünyanı dolaşmaq olar, amma geri dönmək olmaz.
• Yaş odun tüstüləyir.
• Yavaş atın təpiyi bərk olar.
• Ya unçu ölər, yada dəyirmançı.
• Ya ki qılıncı tut, yada qələmi.
• Ya al təzələ, ya yama təzələ.
• Yağdırmadan göl olmaz, uydurmadan ev.
• Ya adın çıxsın ya "od"un çıxsın.
• Yara var bağlayasan, yara var dağlayasan.
• Yaşamda seçənlər, zirəklərdən irəli gedir.
• Yaşın yanında, quruda yanar.
• Yaxşıya yaxşı de, yaxşılığı artsın, yamana yaxşı de, yamanlığı qayıtsın.
• Yayın yanqısı qışa qalmaz.
• Yaxşının sözü dilində, yamanın kini ürəkdə.
• Yoxpulun (yoxsulun) yoxsulluq, bəyin toxluq dərdi var.
• Yüksüz eşşək yorğa gedər.
• Yazı ayrandan, qışı yorqandan olduq.
• Yiyəsinə baxıb atın nallayarlar.
• Yiyəli itin, quyruğu dik durar.
• Yəhər ata yük olmaz, arvad - ərə.
• Yaşamaq gözəl şeydir.
• Yaşın çevirərlər, qurusun yığarlar.
• Yatar yatar başı şişər, duranda bitin arar, əti verər pişiyə, qonşunun itin arar.
• Yay görməyən ox bilməz.
  Qış görməyən qar bilməz.
  Qar görməyən ağ bilməz.
  Ağ görməyən gün bilməz.
  Gün görməyən tün bilməz.
  Tün görməyən dan bilməz.
• Yazılan çəkilir, əkilən biçilir.
• Yazın ayransız, qışın yorqansız olmasın.
• Yəhər, gah atın belində gəzər, gah yiyəsinin.
• Yel aparan yelindi, yerdə qalan elindi.
• Yelə qayadan pay düşməz.
• Yelin önünə düşən, yanılır.
• Yeriyən çatmış, yatan qalmış.
• Yolun ucu məndən, ayağın gücü səndən.
• Yumurtadan yun qırxan.
• Yurdun yekəliyin, sən bilməsəndə, qar bilər.
• Yuvarlaq daşda yosun bitməz. (yosun: ot)
• Yük götürən dəvə, qamış belə götürür.
• Yolun azana, ulduz ay kimi görünür.
• Yaxşı olur qızların hamısı, hardan çıxır arvadın pisi.
• Yaxşılarla vuruşma, yamanlarla duruşma.
• Yaylıq örtən kişidənsə, papaq qoyan qadın yaxşı.
• Yaman külahduzdan yaxşı palanduz yaxşıdır.
• Yaxşı gün cənnətdir, yaman gün cəhənnəm.
• Yaxşı adamın yaxşılığı dəyər dar gündə,
  Yaman adamın yamanlığı, dəyər hər gündə!
• Yaxşıya yaxşı deyərlər, yamana – yaman.
• Yaman olmasa, yaxşılığın qiyməti bilinməz.
• Yaxşı gündə yad yaxşı, yaman gündə vay qardaş!
• Yaxşı dost qardaşdan əzəldir.
• Yaxşı işə gələr. yaman - aşa.
• Yaxşı adam yavan çörəyə dözər, yaman adamı yağlı xörək də üzər.
• Yaxşı at yemini artırar, yaman at qamçısını.
• Yaxşı gündə yağlı çörəyi bəyənməyən, yaman gündə quru çörəyə salam verər.
• Yaman arvad çox danışar, danışmasa savaşar.
• Yaman olan arvad, ev-eşiyini qoyar gedər.
• Yaman dirilikdən ölüm yaxşıdır.
• Yetim malı oddan yaman yandırar.
• Yaxşı günün yoldaşı, yaman günə düşdüm, gəl!
• Yaman günə səbr edən, yaxşı günə tez çatar.
• Yaxşı dost yaman gündə məlum olar.
• Yaman qonşu adamı rüsvay eylər.
• Yaxşı ata bir qamçı, yaman ata - min qamçı.
• Yaman adamın başına daş salsan, çiyninə düşər.
• Yaxşı - yaxşılığın deyilir, yaman - sənin nəyin deyilir?
• Yaxşı günün döş ağrısı, yaman günün diş ağrısı?
• Yaxşı ki, dünyada yaxşı varmış, yoxsa dünya tərk olardı yaman əlindən.
• Yaxşı günə dözməyən yaman günə heç dözməz.
• Yaxşı arvad ərini bəy eylər, yaman arvad – zay.
• Yaman arvadın evi cəhənnəmdir.
• Yaxşıyla yaxşı - yarışqan at, yamanla yaman - qudurğan it.
• Yaman arvad, tez kişini qocaldar, əsil arvad dərdlərini azaldar.
• Yaxşı gəlməyincə, yaman gedməsin.
• Yaxşı qadın ömür balı, yaman qadın can zuvalı.
• Yaxşı yaman, keçdi karvan.
• Yaxşı yoldaş yaman gündə tanınar.
• Yaxşı gəlin gülümdür, yaman olsa ölümdür.
• Yaxşı ilə dost olsan səni əzizlər, yaman ilə dost olsan dalınca pislər.
• Yaxşıya gün yox, yamana ölüm.
• Yaxşıya yaxşı desən çəkinər, yamana yaxşı desən öyünər.
• Yaxşılıq bilməyən, yamanlıqdan qalmaz.
• Yanan anadır, yeyən qayınana.
• Yanan da (qayınana) ana, yaman da (qayınana) ana.
• Yaman oğul – yaman gəlin.
• Yaxadakın yalayan, əlindəkin qaçırar.
• Yaxşı qızdan yaxşı gəlin olar.
• Yarasaya gecə gündüz aydın.
• Yavana yaxşı dözər, yağlı yavanı üzər.
• Yavaşdan, yoğun çıxar.
• Yaxşı atın dişinə baxma.
• Yay oğurluğu qışda deyilər.
• Yaydan çıxan ox dönməz.
• Yay var qış var, nə tələsik iş var.
• Yaya gəlib, yel kimi əsib, quş kimi uçub.
• Yayda ilandan qorxan, qışda çatıdan qorxar.
• Yeməyin dadı duzdur, sevginin dadı düzdür !
• Yellənmə yel ilə, yolda qalarsan.
• Yeddi oğul - bir dədənin yerin, yüz tülkü bir aslanın yerin verməz.
• Yaz gəlmədən, qar getməz, ot bitməz.
• Yaz gətirər, qış götürər.
• Yazda yaz, qışda qıs.
• Yazın yazlardı yaylağını, qışın qışlardı qışlağını.
• Yazıqların biridə elə, yazıçıdır.
• Yellə yelişdim yolda qaldım.
• Yerə düşən göydəndir.
• Yerişin bilməyən tez gec yıxılar.
• Yanan ürək deyil. qanan içim deyil, yanmamış ölürəm, sönürəm.
• Yaşlıya gücünü yox, işini sor.
• Yersiz qərib olmaz, qəribsiz yer olmaz.
• Yaxşı hörmət dövlətdən yaxşıdır.
• Yatağan aslandan gəzəyən pişik yaxşıdır.
• Yəhər at belində, həmişə qalmaz.
• Yəhərin ağır yüngülün, at bilir.
• Yemsiz torba, at gətirməz.
• Yabılarda qotur yabı mərd olar, yorulanda yiyəsinə dərd olar.
• Yüz eşitməkdənsə bir görmək yaxşıdır.
• Yatıb ölmə, qalxıb öl.
• Yaz bitirir, yay yetirir, güz gətirir, qış itirir.
• Yalançını sözündən yox gözündən bil.
• Yıxıl dünya bas məni, gözüm görməsin səni.
• Yoldaş yoldaş ilə tən gərək, tən olmasa gen gərək.
• Yoldan irəli – yoldaş, evdən irəli – qardaş.
• Yaxşı yoldaş uzun yolu qısaldır.
• Yıxılan yıxılana yoldaş olar.
• Yolda yoldaş, evdə qardaş.
• Yaddan yoldaş olunca, yoldaş əldən gedər.
• Yol haramısı ol, yoldaş haramısı olma.
• Yaxşı yoldaş gec tapılar.
• Yoldaşım - eldən,
  uşağım - beldən,
  dostum - ürəkdən.
• Yersiz - el yetim,
  Elsiz - yer yetim.
• Yoxsulluqda varından demə,
  Qocalıqda zorundan demə.
• Yoxsulluqdan - vara nə,
  qocalıqdan - zora nə?
• Yüz 'vur' deyəndənsə, bir vuran yaxşıdır.
• Yorğun ata şallaq vursan, şıllaq atar.
• Yükü çəkən atdı, atı çəkən arpa.
• Yuvanı ərkək tikər, dişi saxlar.
• Yoxun, dərdi yox.
• Yoxsulluğun nə olduğun bilməyən vara da çatar, varsıza da.
• Yoxsulluğun yolun bilən, varlılardan xoş gülər.
• Yolun yaxın, yükün yüngül.
• Yoldaşın içi ağlar, üzü gülər, yağının içi gülər, üzü ağlar.
• Yol bilən, kərvana qatılmaz.
• Yoğrulmamış xəmirdən, çörək çıxmaz.
• Yiyəsinə bax atın nalla.
• Yıxılsan ucadan yıxıl, otursan alçaqda otur.
• Yıxılsan dizindən gör, əzilsən dilindən gör.
• Yetimin hamamda, atası çox olar.
• Yetimə çörək verən az olar, hamamda can-can deyən çox olar.
• Yersiz söz, ağızdan çıxar, yersiz yeriş, adamı yıxar.
• Yerli söz yerin tapar, yersiz söz, yiyəsin.
• Yeriyən, öz dabanın güdməz.
• Yeriyən, büdürər.
• Yeməyin yalqız yeyən, yükün özü qaldırar.
• Yeməyin qoyun olsun, gördüyün düyün olsun.
• Yelkən oldu, yel gərək.
• Yeli oda ver, suyu şora ver,
• Yelə tüpürən, üzündə yığar.
• Yel üfürər, sel süpürər.
• Yel görür yellənir, yol görür yollanır.
• Yayın kölgəsin güdən, qışın qarına düşər.
• Yatmış, yatmışı oyatmaz.
• Yatan qalar. gedən çatar.
• Yaşın ağlı, başın ağlı.
• Yar ilə vardı yolu doğru varan, yarı əldən qoymadı kirtü ərən.
• Yalana inanmayan, doğru yol tapmaz.
• Ya dəvə ölər – ya dəvəçi – ya üstündəki haci.
• Yuxarı tüpürürəm – bığ, aşağı tüpürürəm – saqqal.
• Yuxarı başda yer yoxdur, aşağı başda oturmur.
• Yuxarı baxıb qəm eyləyincə, aşağı baxıb dəm eylə.
• Yusif bazarıdır, hər kəsin mətahı varsa, gətirsin.
• Yurdumun, millətimin ağ gününü görməyənin, başqa bir söz demirəm - gözlərinə qan gəlsin.
• Yunu var, unu yox.
• Yun darayaram kələf olar, qız doğaram xələf olar.
• Yumşaq döşək salan, axırda quru yerdə yatar.
• Yumurtası tərs düşüb.
• Yumurtlamadı, falını da yedi?
• Yumurtanı halqadan keçirdir.
• Yumurtana görə qaqqılda.
• Yumurtadan yun qırxır.
• Yumurtada tük bitməz.
• Yumurta toyuğun cəriməsidir.
• Yumurta gətirmir, qayğanaq istəyir.
• Yumru qaya, yumru daş, keçəl baş.
• Yuyucu deyər: - Mürdəşirəm, yuyuram, istər ölü cənnətə getsin, istər cəhənnəmə.
• Yuvanı erkək quş tikər.
• Yoxsulun (yoxun) üzü qaradır.
• Yoxsulun evində dəmir tapılmaz, itinin adını gümüş qoyar.
• Yoxsulun dili gödək olar.
• Yoxsulluğa düşməyən varlılığın qədrini bilməz.
• Yoxsulluq ilə qocalıq düşüb bir yerə.
• Yoxsulluq varlılıqdan yaxşıdır.
• Yoxsul öz vilayətində qəribdir.
• Yoxsul, oduna da yoxsul, suya da yoxsul?
• Yoxsul arpa tapar, saxlamağa yer tapmaz.
• Yoxdur, canım rahatdır.
• Yoxdan bir şey çıxmaz.
• Yoxa çarə yoxdur.
• Yoxa qələm işləməz.
• Yox olsun yoxsulluq, varlığa – nə darlıq?
• Yox yerdən istəməzlər.
• Yox yerdən Əzrail də can ala bilməz.
• Yorulmuş öküz "oho"nu allahdan istər.
• Yorulmuş eşşək mənzili yaxın istər.
• Yorulmuş ata qamçı vurarsan, şıllaq atar.
• Yorğunluğu o dünyada alacaqsan.
• Yorğun eşşəyə "hoşa" xoş gələr.
• Yorğanına bax (görə) ayağını uzat.
• Yorğan-döşək sözü, yorğan-döşəkdə qalar.
• Yorğa at da hərdən büdrər.
• Yolçunu yoldan eləməzlər.
• Yolçuluğa (dilənçiliyə) gedən torbasının çiyninə atar.
• Yolçuya yol gərək, qurbağaya – göl.
• Yolçudan yolçuya pay düşməz.
• Yolçu yolda gərək.
• Yoluxda nə var, qırığa nə versin.
• Yolunu su ilə başlar.
• Yolun boş olmasın.
• Yolu qardaşla kəsərlər, meşəni – mişarla.
• Yolu yaxın – yükü yüngül.
• Yolsuzu yola tapşır.
• Yollar-yamaclar sürülərin dırnağıdır.
• Yoldan çıxsan, eldən çıxma.
• Yoldan çıxmaq eyib deyil, yola gəlməmək eyibdir.
• Yoldan çıxır, yolunu azmır.
• Yoldan keçənə yumaq sarıtdırır.
• Yoldan qal, yoldaşdan qalma.
• Yola çıxan yolda qalmaz.
• Yola körpü sal.
• Yola bələd olan büdrəməz.
• Yol yeriməklə alınar.
• Yol ilə gedən yorulmaz.
• Yoldaşını mənə de, sənin kim olduğunu deyim.
• Yoldaşın yaxşı olsa, uzun yol yaxın olar.
• Yoldaşın qarğa olsa, yediyin nə olar?
• Yoldaşın sözünə inan, özünkündə dayan.
• Yoldaşı yoldaşdan soruşarlar.
• Yoldaşı yolda tanı.
• Yoldaşı evdən götür, quşu – yuvadan.
• Yol həmişə bostan kənarından düşməz.
• Yol böyüyündür, su kiçiyin.
• Yol bilmirsən, yola gəl.
• Yol üstə oturmazlar.
• Yovşan bəsləməklə çəmənzar olmaz.
• Yovşan olub arxanda dovşan yatınca, palıd ol kölgəndə sürü yatsın.
• Yıxılmasa dikəlməz.
• Yıxılanın dostu olmaz.
• Yıxılanın qanlısıdır.
• Yıxılana xəncər qaldırmaq namərdlikdir.
• Yıxılan yıxıldığı yerdən qalxar.
• Yırtıcı quşun ömrü az olar.
• Yırtıcı quşun ətin yeməzlər.
• Yırtıcı quş dimdiyindən bəllidir.
• Yırtıcı aslan zülmkar şahdan yaxşıdır.
• Yırtıq böyük, yamaq kiçik.
• Yığılaq biz araya, məlhəm qoyaq yaraya.
• Yığma dən üçün xırman açılmaz.
• Yiyəsini sevən itinə çörək verər.
• Yiyəsinə baxıb, mıxını çalıb.
• Yiyəsi olan eşşəyi qurd yeyər.
• Yəhər gah atın belində gəzər, gah at yiyəsinin.
• Yəhər atın belində həmişə qalmaz.
• Yəhər ata yük olmaz.
• Yetmiş iki dərədən su gətirər.
• Yetmiş qabdan su içib.
• Yetimin hamamda anası çox olar.
• Yetimin ağzı aşa çatanda, başı daşa dəyər.
• Yetimi doydur, nə olacağını düşünmə.
• Yetimə öyüd verən çox olar, çörək verən az.
• Yetim yerə baxar, ürək yaxar.
• Yetim qızsan, qıvrıl yat.
• Yetim ağlağan olar.
• Yetənə yetir, yetməyənə daş atır.
• Yerli, yersiz – sizdən yeyirik.
• Yerlər o yerlər, görünməz oldu ellər.
• Yerişinə haram qatma.
• Yerin yeddi qatından keçir.
• Yerim dardır, oynaya bilmirəm.
• Yerin altını da bilir, üstünü də.
• Yeriyən at yemini özü artırar.
• Yerə düşməklə gövhər qiymətdən düşməz.
• Yerə vurdun, başıma vurdun!
• Yerdən göyə küp düzsələr, bir-birinə bənd etsələr, altdan birini çəksələr, gəl onda gupbultuya bax.
• Yerdən göbələk çıxmayıb ki?
• Yerdə yatan yumurta, göydə uçan quş olar.
• Yer oturan kişi ilə şərəflənər.
• Yer yiyəsiz olanda, donuz təpəyə çıxar.
• Yer yarılsa, yerə girərəm.
• Yerin qulağı var.
• Yer qulaqlı olar.
• Yer qatı, göy qatı, hardan oldu, avandı?
• Yer var danışarlar, yer var sözü udarlar.
• Yer bəyin, yurd xanın, işlə ha çıxsın canın.
• Yer altından yasa gedənlərdəndir.
• Yer ayrılsaydı, yerə girərdim!
• Yemsiz torbaya at gəlməz.
• Yemlik imiş, duz imiş, sən də batır, sən də ye.
• Yemiş vaxtı xırçının qulaqları kar olar.
• Yeməsə əlli il bəsdir.
• Yeməmisən qaz ətini, nə bilərsən ləzzətini?
• Yeməlidir saxla, yeməli deyil tulla.
• Yeməyini yalnız yeyən, yükünü özü qaldırar.
• Yeməyin ustası, işləməyin xəstəsi.
• Yeməyin dadı duzdadır, dünyanın dadı gözdə.
• Yeməyin qulu, işləməyin xəstəsi olma.
• Yeməklə doymadın, yalamaqla doyacaqsan?
• Yeməyənin malını yeyərlər, ölüsünü də söyərlər.
• Yelə tüpürən üzünə tüpürər.
• Yel üfürdü, su köpürdü.
• Yel ilə gələn, sel ilə gedər.
• Yel əsib, qoz tökülüb.
• Yel əsəndə yellənər, yol görəndə yollanar.
• Yel qayadan nə aparar?
• Yel vurur, çalır, yengələr oynayır.
• Yel belə əssə, balta belə kəssə, vay mənim halıma.
• Yekə başın faydası yoxdur, içində beyin gərək.
• Yeyilənim yeyilir, qonağım küsülü gedir!
• Yeyin at özünə qamçı vurdurmaz.
• Yeyin gedən yol kəsməz.
• Yeyib-içib, əzizləri yadına düşüb.
• Yeyib-içib, dünyadan kəm köçüb.
• yeyərsən ətdən–mətdən, işlərsən bərkdən- bərkdən.
• Yeyərsən şordan-mordan, işlərsən ordan- burdan,
• Yeyərsən qismətindir yeməzsən – özün bilərsən.
• Yeyərsən qüvvətin artar, verərsən hörmətin.
• Yeyərsən qaz ətini, görərsən ləzzətini.
• Yeyəndə çeynə, danışanda fikirləş.
• Yeyən qurtardı, yalayan qurtarmadı.
• Yeyən bilməz, doğrayan bilər.
• Yezidin Şamə getməsi doğru oldu.
• Yediyin özün üçün qalsın, gördüyündən danış.
• Yeddisində nə idi isə, yetmişində də odur.
• Yeddisinə "Gülüstan"ı oxuyan, yetmişində başa düşər.
• Yeddi fərsiz oğuldan bir fərli qız yaxşıdır.
• Yeddi molla, bir əmmamə!
• Yeddi məhəlləyə çörək verir.
• Yeddi məhəllədən qovulmuş it kimidir.
• Yeddi göydə bir ulduzu yoxdur.
• Yeddi qurda bir çarıq neyləsin?
• Yeddi qonşu bir qazana möhtacdır.
• Yeddi arxın suyunu bir arxa calayır.
• Yaşına-yaşına çıxdı ocaq başına.
• Yaşı çox, ağlı yox.
• Yaşılbaş göllərdə üzər.
• Yaşına baxma, başına bax.
• Yaşını çevirərlər, qurusunu yığarlar.
• Yaşından qabaq danışma.
• Yaş da quru oduna yanar.
• Yaş odun satmayıbsan ki, niyə qorxursan?
• Yaş yaşadıqca, ağıl başa gələr.
• Yaşa-yaşa – gör tamaşa.
• Yaxşı nə, başı nə!
• Yaşayarıq, görərik!
• Yaxşı işə Allah zamindir.
• Yaxşı işçi səliqəsindən bilinər.
• Yaxşı igidin adını eşit, üzünü görmə.
• Yaxşı igid dalı gözlər, yaxşı at qabağı.
• Yaxşı it ələ düşməz.
• Yaxşı atadan pis oğul?
• Yaxşı iş heykəl kimidir, hər yerdən görünər.
• Yaxşı qəssab ətin yaxşısını axıra saxlar.
• Yaxşı demişlər: hər şeyin xiridarı gərəkdir!
• Yaxşı arvadlı ev cənnətdir.
• Yaxşı atları, yaxşı kişilər minib getdilər.
• Yaxşı at köhnə çulun altında da bilinər.
• yağlı çökər də üzər.
• Yaxını qoyub uzaqdan danışma.
• Yaxşı ad dövlətdir.
• Yatmağa qaya kölgəsi, əgər ki marı olmasa.
• Yatma kudu, bostana dovşan girib!
• Yatmışı yatmış oyada bilməz.
• Yatıb yuxuda halva görüb.
• Yatsan yuxuna da girməz.
• Yatar-yatar, başı şişər, duranda bitin axtarar, Əti verər pişiyə, qonşunun itin axtarar.
• Yatanın ayıqdan xəbəri olmaz.
• Yatan öküzə yem yoxdur.
• Yatan iti oyatma (dindirmə).
• Yatan ilanın quyruğunu basma.
• Yatan daşın altına su keçməz.
• Yatan aslan olsa da, fürsət oyağındır.
• Yarpaq altda gəzəndir.
• Yarın yara sovqatı, bir dəstə bulaq otu.
• Yarın qədrini yar bilər, nə bilər hər divanə.
• Yarımçıq bilməkdən, heç bilməmək yaxşıdır.
• Yarası avand olanın təbibi qabağına çıxar.
• Yarımadıq yarıtmazdan.
• Yarımadıq odundan, kor olduq tüstüsüdən.
• Yarı gör, özün danış, ev yıxar ara sözü.
• Yaralı quşa daş atmazlar.
• Yaraqsız igid, buynuzsuz qoç kimidir.
• Yara sağalar, yeri qalar.
• Yara var bağlarlar, yara var dağlarlar.
• Yar mənimlə yar olsun, kol dibi diyar olsun.
• Yanşağı cəhənnəmə atdılar, dedi: - Odunun yaşdır.
• Yar yarı görər, ürəyi odlanar.
• Yar getdi, yeri qaldı.
• Yar bizdən gecə getdi, bilmədim necə getdi.
• Yar dərdini yar çəkər.
• Yar qadasın yar alar.
• Yandırdığın yovşan, ovladığın dovşan.
• Yanığın nəyi var ki, yoluğa nə versin?
• Yanında yatdı, palçığa batdı.
• Yanmayanda yanmaz, ha yellə, ha ətəklə Yanlış hesab Bağdaddan qayıdar.
• Yansın çırağı, gəlsin işığı.
• Yanmış xırmanın buğdasıdır.
• Yandırdığın şamı söndürmə.
• Yanğına körüklə getməzlər.
• Yanğından çıxdıq, alova düşdük.
• Yanan öz dərdinə yanar.
• Yan mənə, yanım sənə, qurban edim, canım sənə.
• Yamanı yaman gündə.
• Yamanlıq kimə lazım?
• Yamanlığa yamanlıq eləmə.
• Yamanı yada salma.
• Yaman günün ömrü az olar.
• Yaman yerdə axşamladıq!
• Yaman adama heç nə olmaz.
• Yaman arvad, deyingən olar.
• Yaman arvadlı evə daş düşsün.
• Yaman baş yiyəsinə donuz güddürər.
• Yaldan tuta bilməyən quyruqdan heç tuta bilməz.
• Yalqız evin pişiyidir.
• Yalqız evin söhbəti.
• Yalqız yeyən süfrəsini özü yığar.
• Yalqız quş yuva salmaz.
• Yalqız qazıya gedən razı gələr.
• Yalvarmaqla donuz darıdan çıxmaz.
• Yalançının sözünə inanma.
• Yalançının mənzili olmaz.
• Yalançının yaddaşı olmaz.
• Yalançının işığı yarıyacan yanar.
• Yalançının ipiylə quyuya düşən quyuda qalar.
• Yalançının ipi qısa olar.
• Yalançının evi yandı, heç kəs inanmadı.
• Yalançının biridir.
• Yalançılıq üz qızardar.
• Yalanınçını evinəcən qovarlar.
• Yalançının adına ad inanma.
• Yalançı çox and içər.
• Yalançı özünün düşmənidir.
• Yalançı kimdir: - Hər eşitdiyini danışan.
• Yalanın axırı yoxdur.
• Yalanın da əndazəsi var.
• Yalan cücərər, amma bitməz.
• Yalan üz qaraldar.
• Yalan olmasa doğru yeriməz.
• Yalan ilə dünyanı, gəzmək olar, amma qayıtmaq olmaz.
• Yalan danışan yanındakını qanmaz yerinə qoyar.
• Yalan ayaq tutar, amma yeriməz.
• Yalan ayaq tutar, doğru bir yanda qalar.
• Yayın tör-töküntüsü qışın azuqəsidir.
• Yayın öz sözü var, qışın öz sözü.
• Yaylağın dağı sağ olsun, qarlı da olar, qarsız da,
  igidin canı sağ olsun, varlı da olar, varsız da.
• Yayı çox çəkmə qırılar.
• Yayda hər divarın diri bir evdir.
• Yayda kölgədə oturan, qışda ocaq axtarar.
• Yayda səfərə çıxanda kürk görür.
• Yayda başı bişənin qışda aşı bişər.
• Yayda ayran tapmayan qışda yorğan tapmaz.
• Yayda işləyən, qışda dişlər.
• Yayda yanan qışda dilənçilik eylər.
• Yayda kölgə xoş, qışda çuval boş.
• Yayda kölgədə yatan qışda qar üstə yatar.
• Yay gününün yağışı, qış gününün yavanlığıdır.
• Yay kasıbın həm atasıdır, həm də anası.
• Yay qarı kimi nə yarıyıbsan hamıya?
• Yay var, qış var, hələ çox iş var.
• Yay altında ox gizlədər.
• Yay işini qışda gör, qış işini yayda.
• Yazın hərəkəti, payızın bərəkəti.
• Yazılmayan kitabı vərəqləməzlər.
• Yazılan pozulmaz.
• Yazıdan qaçmaq olmaz.
• Yazıq o adamdır ki, yaxşılıq etmir.
• Yazdan qışa hazır ol.
• Yazda oynayar, gülər, qışda acından ölər.
• Yazda yatan, qışda üşüyər.
• Yazda işləməyənin qışı sərt gələr.
• Yazda buza yerikləyən, qışda göbələyə yeriklər.
• Yazda başı bişənin qışda aşı bişər.
• Yazda ayransız olma, qışda yorğansız.
• Yazda arpa yeyən at, qışda ətini tökməz.
• Yazana baxma, yazdığına bax.
• Yazanı özündən, pozanı özündən.
• Yazan da sən, pozan da sən, heç bilmirəm nəsən sən?
• Yaza çıxartdıq dananı, bəyənməz oldu ananı.
• Yaz günü – pendir çörək yarpıznan.
• Yaz günündə tərləməyən qış günündə titrəyər.
• Yaz günündə yola çıxsan, qış gününü gözünün qabağına al.
• Yaz gətirər, qış aparar.
• Yaz gələr, qış gedər, ördək gələr, qaz gedər, hamı birləşib gəlsə, Balaxanım yalqız gələr.
• Yaz gələr, qış gedər Ağaqulu, dəyirmana boş gələr Ağaqulu, dul arvada xoş gələr Ağaqulu.
• Yaz getdi, qış gəldi, vay titrəmək dərdi.
• Yaz kasıbın yorğan-döşəyidir.
• Yaz yağışından bəlli, qız qardaşından.
• Yaz yağışı tez keçər.
• Yaz əkinçi, qış dilənçi.
• Yaz var, qış var, nə tükənməz iş var.
• Yaz bitirir, yay yetirir, payız gətirir, qış itirir.
• Yad qohum, ölənəcən yad olar.
• Yad gəlib qohum olunca, qohum yad olur.
• Yad qızına güvənmə, xətakar olar.
• Yad qızına uymazlar, yad qızı zavallı olar.
• Yağmasa da guruldar.
• Yağmadı yağış, bitmədi qamış.
• Yağla yarma qovuşar, arada soğan büzüşər.
• Yağla yovşan da yeyilər.
• Yağışın yağması, evin damması, gəlinin doğması.
• Yağışda düşmənin qoyunu, dostun atı satılsın.
• Yağışdan qalanı yağmur apardı.
• Yağışdan qaçan doluya düşər.
• Yağış yağar, yer doymaz.
• Yağış yağanda toyuğa su verməzlər.
• Yağış yağa-yağa küpünü doldur.
• Yağış vurmuşun damcıdan nə qorxusu?
• Yağış altından götürür, boran altına qoyur.
• Yağış isladar, gün qurudar.
• Yağış ilə yer göyərər, alqış ilə ər öyünər.
• Yağın şorunu çıxardır, sözün şəkərini.
• Yağı od əridir, qarı – gün.
• Yağı yağ üstündən tökür, yarmanı yavan qoyur.
• Yağ ye, yaxada gəz.
• Yağ yaxşı yağdır, hayıf ki, it dərisindədir.
• Yağ yağ ilə qovuşar, yarmalar yavan qalar.
• Yağ tapsa, başına yaxar.
• Yağ içində böyrək kimi üzür.
• Yağ da yesə dirilməz, bal da yesə dirilməz.
• Yağ acı olanda, plov da acı olar.
• Yavan ətin şorbası olmaz.
• Yava itin yava da küçüyü olar.
• Yabıya rəhm etməyən piyada qalar.
• ya lələ şələni basar, ya şələ lələni) Yaba ilə dovğa içdim.
• Ya şələ lələni, ya lələ şələni.
• Ya cin, ya şeytan.
• Ya hə, ya yox.
• Ya üz, ya düz.
• Ya unçu ölər, ya dəyirmançı.
• Ya torba yırtılar, ya dağarcıq.
• Ya tələf ollam, ya xələf.
• Ya taxt, ya bəxt.
• Ya ölüm, ya dirim.
• Ya ölləm, ya qallam.
• Ya mən deyən, ya sən deyən.
• Ya Museyi Kazım, sənə demək nə lazım?
• Ya keçəl Həsən, ya Həsən keçəl.
• Ya zor, ya zər, ya şəhərdən səfər.
• Ya əlimi kəs, ya ətəyimi.
• Ya dəli, ya divanə, Bəhlul danəndə, Bəhlul divanə.
• Ya dəvə ölər, ya dəvəçi, ya da üstündəki hacı.
• Ya dalına min, ya dalına mindir.
• Ya vəlvələdən, ya zəlzələdən.
• Ya bu dəvəni güdməli, ya bu dünyadan getməli.
• Ya bil, ya bir biləndən soruş.
• Ya bağayarpağı, ya quzuqulağı.
• Ya bağətəyi, ya dağətəyi.
• Yüyürən yıxılmağına baxmaz.
• Yüyürən – büdrər.
• Yüz xəlbirlənib bir əldən çıxacaq.
• Yüz soraqdan birinə hay vermir.
• Yüz olsun, düz olsun.
• Yüz namərdin çörəyin doğrasan, kasa dolmaz.
• Yüz namərd bir mərdi əvəz etməz.
• Yüz namərd bir mərdə qurban olsun!
• Yüz mamaça yığılsa, gün doğana düşər.
• Yüz ilin ibadətindən bir günün səxavəti.
• Yüz il sel gəlsə ovmaz, bir gün dərd gəlsə – ovar.
• Yüz il gərək qanqal otlayasan ki, ağzın dəvə ağzına oxşasın.
• Yüz iynə yığsan, bir çuvalduz olmaz.
• Yüz qayğı bir borcu ödəməz.
• Yüz "vur" deyəndən bir vuran yaxşıdır.
• Yüz birə qoşulmaz, bir yüzə qoşular.
• Yüz biliyin olsa da, bir bilənlə danış.
• Yuxusunda da görsə xeyrə calamaz.
• Yuxusu ağır adamdır.
• Yuxuya etibar yoxdur.
• Yuxuda gözəl görmək yaxşıdır, oyanmaq olmasaydı.
• Yuxuda balıq görən, yastığının altını yoxlar.
• Yuxu ölümün qardaşıdır.
• Yaxın yerə yük daşıyır.
• Yaxına ərinir, uzağa yüyürür.
• Yanındakı ələf, uzaqdakı arpadan yaxşıdır.
• Yaxşını yada vermə – hayıfdır, yamanı yada vermə – ayıbdır.
• Yaxşılıq yolunu göstərən adam yaxşılıq edən adama bərabərdir.
• Yaxşılıq yerdə qalmaz.
• Yaxşılığa yamanlıq olmasaydı, qara öküzə bıçaq olmazdı.
• Yaxşılığa yaxşılıq elə, pisliyə pislik eləmə.
• Yaxşılığa yaxşılıq – kor eşşəyə samanlıq.
• Yamanlığa yaxşılıq mərd kişinin işidir.
• Yaxşılığa yaxşılıq hər kişinin işidir.
• Yaxşıları yer tanıyar.
• Yaxşılığın əcri (əvəzi) gələr.
• Yaxşılığı bilməyənə yaxşılıq etmə.
• Yaxşılıq eləyib bir şey umursansa etməsən yaxşıdır.
• Yaxşılıq edən yaxşılıq görər.
• Yaxşılıq elə, minnət qoyma.
• Yaxşılıq elə, at dəryaya, balıq bilməsə, xaliq bilər.
• Yaxşılıq elə ki, başına gəlsin.
• Yaxşılıq iki tərəfli olar.
• Yaxşılıq istəyən qabaqca behin verər.
• Yaxşılıq itməz.
• Yaxşılıq yaxşılıq gətirər, yamanlıq nəyə gərəkdir?
• Yaxşılıq ayaq açıb gəzəndir.
• Yaxşılıq bilməyən adam adam sayılmaz.
• Yaxşılıq və doğruluq, hər ikisi birdir.
• Yaxşılıq qapı açar, məhəbbət bu qapıdan içəri girər.
• Yaxşılıq qəribdir – tanınmaz.
• Yaxşıya qoşulan çuvalına un doldurar.
• Yaxşı söylə, yaxşı eşit.
• Yaxşı tacir malın hamısını birdən bazara çıxartmaz.
• Yaxşı timsal yüz yönsüz sözdən yaxşıdır.
• Yaxşı elə yaxşıdır.
• Yaxşı xörək qalınca, pis qarın yırtılsın.
• Yaxşı şeyə gül ki, başına gəlsin.
• Yaxşı şeylərin yolu tapdaq olar.
• Yaxşı məsləhət hər şeydən yaxşıdır.
• Yaxşı oğul neylər ata malını?
• Yaxşı ovçunun toruna ov öz ayağı ilə gələr.
• Yaxşı olanda – xanımdan, pis olanda – kənizdən.
• Yaxşı olarsa - allahdan, pis olarsa – şeytandandır deyərlər.
• Yaxşı övlad ata-ananın fərəhidir.
• Yaxşı saxla adını, bədnamçılıq el gəzər.
• Yaxşı mal yerdə qalmaz.
• Yaxşı mal öz-özünü işə verər.
• Yaxşı məsəl gözə girər.
• Yaxşı yalan, lap yalan, fili uddu bir ilan.
• Yaxşı-yaman, qoy cibinə, bərk saxla.
• Yaxşı-yaman, keçdi karvan.
• Yaxşı yarağı var idi, Həmzəlidə qaldı.
• Yaxşı ki, var yavan çörəyə dözər, yamanı yağlı
• Yaxşılığa yaxşılıq hər kişinin işidir
  Yamanlığa yaxşılıq nər kişinin işidir.
• Yurddan çıxsan da, eldən çıxma.
• Yersiz gəldi, yerli qaç.
• Yer, oturan adamla şərəflənər.
• Yerlərdir haman yerlər, Görünməz oldu illər.
• Yaxşı igid dayısına çəkər, xanım qız bibisinə.
• Yanan yerdən tüstü çıxar.
• Yuxarı başda yer yoxdur, aşağı başda da oturmur.
• Yıxılan ağaca balta çalan çox olar.
• Yeməkdən ümid yaxşıdır.
• Yel aparan yelinki, Yerdə qalan mənimki.
• Yalvarmaqdan sözdən olduq, gözləməkdən gözdən.
• Yazıya pozu yoxdur.
• Yağışdan çıxdıq, yağmura düşdük.
• Yağ yağa qarışdı, yarmalar yavan qaldı.
• Yalançı tamahkarı aldadar.
• Yalançının hafizəsi olmaz.
• Yalançının üzü qara olar.
• Yalançının evinə od düşdü, heç kəs inanmadı.
• Yalançını mənzilənədək qov!
• Yalan söz üz qizardar.
• Yalan ki var, doğrunun quludur.
• Yaman yeyənin olsun, yaman deyənin olmasın.
• Yalan ilə dünyanı gəzmək olar, qayıtmaq olmaz.
• Yaman dil başa bəladır.
• Yalan danışan hamını qanmaz bilər.
• Yalan ayaq tutar, yeriməz.
• Yağmasan da gurulda.
• Yaxşı at nalı gözlər, yaxşı igid dalı.
• Yanında igid olsun, kol dibi evin olsun.
• Yalançının evi yandı, heç kəs ona inanmadı
• Yorğanına bax, ayağını uzat.
• Yüz sənəti pis bilməkdənsə, bir sənəti yaxşı bilmək yaxşıdır.
• Yüyürək at özünə qamçı vurdurmaz.
• Yeməyin qulu, işləməyin xəstəsi.
• Yeməyə kömək, işləməyə də kömək.
• Yeddi ayda bir qarış, bir ayda yeddi qarış.
• Yazda çalan qışda oynar.
• Yuxarı evə baxıb, aşağı evi yıxma.
• Yıxılanı vurmazlar.
• Yükünü yığdı təpəyə, elə arxa çevirdi.
• Yemə namərd çörəyini, axırda başına vurar.
• Yiyəsinə baxıb atın nallayırlar.
• Yanan da mən - yaman da mən.
• Yüz ölç, bir biç.
• Yoldan çıxanı yol vurar.
• Yerin də qulağı var.
• Yatan itləri oyatma.
• Yoldaşını nişan ver, özünü tanıt.
• Yeməklə dost olan illərlə küsülü qalar.
• Yaxşı gündə düşmən gələr dost olar, igid odur yaman gündə dayansın.
• Yaxşı dostu yaman gündə sına.
• Yemək bişirmək köhnə tavalar ilə öyrənilər. (Alman atalar sözləri)
• Yaxalanmamışsa oğru deyil (Rus Atalar Sözləri)
• Yalanla dünyanı gəzərsən amma geri dönə bilməzsən (Rus Atalar Sözləri)
• Yalan dörd nalla gedər. Həqiqət isə addım-addım yeriyər, lakin yenə də vaxtında çatar. (Yapon atalar sözləri)

- anarim.az - in Atalar Sozleri Toplusu Bolumu

Atalar Sozleri Toplusu


Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023