Hazir Letifeler Gulmeli Letifeler
Letifeler ashagidaki herflere gore qruplashdrilib

MOLLANIN ŞAİRLİYİ - Gulmeli Letife, Prikol A B C Ç D E Ə F G H X I J K Q L M N O Ö P R S T U Ü V Y Z

MOLLANIN ŞAİRLİYİ Letifesi

Gecələrin birində Molla fikirləşir ki, bir şeir yazıb şaha aparsın,
bəlkə mükafatdan-zaddan alsın. Fikrini arvadına deyir. Arvad nə qədər
deyirsə ki: "Səndən şair çıxmaz", – olmur. Arvad başını atıb yatır.
Molla səhərə qədər əlləşir, vuruşur, axırı ki, iki misra şeir yazır. Elə
ki, qurtarır, daha səhərin açılmasını gözləməyib, ala-qaranlıqdan kəsir
sarayın qapısını ki:
– Şaha deyin, şeir gətirmişəm.
Deyirlər:
– Ay balam, hələ şah yerindən durmayıb.
Molla deyir:
– Gedin oyadın yaxşı şeirdi. Sonra əldən çıxar, şah dərinizi soyar.
Şah da şeir maraqlısı imiş. Ona görə də saray adamları "sonra acığı
tutar" – deyə gedib oyadırlar. Şah geyinir, taxta oturub Mollanı çağırtdırır:
– Hə, oxu görüm, nə yazıbsan?
Molla deyir:
– Şah sağ olsun, qiyamət yazmışam, heç inanmıram ki, bütün dünyanın
şairləri belə şeir yaza bilələr.
Şah deyir:
– Oxu görək!
Molla yazdığı iki misranı oxuyur:
– Şah sağ olsun! Yazmışam ki:
Bir ilan gördüm bu gün ki, qaldırıb başını göyə,
Bir çubuq vurdum ki, başını əyə.
Şah baxır ki, şeir elə Mollanın özünə oxşayır. Onun ürəyini sındırmamaq
üçün deyir:
– Ay Molla, axı bu zəhrimar şerin vəzni olar, ölçüsü olar. Sənin şerinin
birinci misrası bir arşın, ikinci misrası bir qarış. Belə də şeir
olar?..
Molla şerini ürəyində bir də deyib, baxır ki, doğrudan da ikinci
misra çox qısa olub. Deyir:
– Şah sağ olsun! Mən ki varam, şairəm. Şair də ki var, şeir onun
əlində mum kimi bir şeydi. İstər əyər, istər düzəldər, istər uzadar, istər
qısaldar. Yəni bunu mən yazmamışam? İstəyirsən, ikinci misranı da o
qədər uzadım ki, lap birincini də keçsin.
Şah deyir:
– Nə təhər uzada bilərsən?
Molla deyir:
– Çox asan. Qulaq as uzadım, gör necə uzadıram.
Bir ilan gördüm bu gün ki, qaldırıb başını göyə,
Bir çubuq vurdum ki, başını, şını, şını,
şını, şını, şını, şını, şını...
Şah, istəyirsən yenə də uzadım?
Anarim.Az - in Letifeler Toplusu Bolumu

Letifeler Toplusu

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019