Günlərin birində Molla bazardan iki bardaq alır. Qulaqlarına ip
bağlayıb çiyninə salır, yola düşür. Kəndlərinə bir az qalmış fikirləşir
ki, bütün heyvanlar hürkür, bəs insan görəsən niyə hürkmür? Sonra
öz-özünə deyir:
– Qoy bir hürküm, görüm necə olur? Bacarıram, ya yox?
Bunu deyib cüt ayaqlarını yerə vurub bir at kimi kişnəyib, götürülür.
Bardaqlar bayaq ha sınır. Bu hal ilə gəlib girir həyətlərinə. Bir o
tərəfə qaçır, bir bu tərəfə qaçır, səsə-küyə arvad çıxır bayıra. Mollanı
belə görüb soruşur:
– A kişi, nə qayırırsan?
Molla deyir:
– Arvad, küçə qapısını tez bağla, hürkmüşəm. Çıxıb qaçaram, qalarsan
ərsiz.