Hazir Letifeler Gulmeli Letifeler
Letifeler ashagidaki herflere gore qruplashdrilib

MOLLANIN NİŞANƏSİ - Gulmeli Letife, Prikol A B C Ç D E Ə F G H X I J K Q L M N O Ö P R S T U Ü V Y Z

MOLLANIN NİŞANƏSİ Letifesi

Mollanın yaşadığı evdən xeyli aralı əkilməyən, xali bir yer var
imiş. Bir gün qonşusu baxır ki, Molla Nəsrəddin bu xali yerdə çox
diqqətlə nə isə axtarır. Yaxın gəlib soruşur:
– Molla nə axtarırsan?
Molla deyir:
– Ay filankəs, vallah bu il mənim işim heç düz gətirmir. Necə deyərlər,
avand işim tərsinə dönür. Dəryaya su üçün gedirəm, suyu quruyur;
heç bilmirəm bəxtimdən kimə şikayət eləyim.
Qonşu deyir:
– Axı nə olub? Bir danış görək! Bəlkə mənim köməyim dəydi.
Molla deyir:
– Vallah, Allahdan gizli deyil, səndən nə gizli? Bir az pul artırıb
burda basdırmışdım, indi nə qədər axtarıram, tapa bilmirəm.
Qonşu soruşur:
– Bəs nişanə-zad qoymamışdın?
Molla deyir:
– Nişanəsi elə özündən var idi deyə, daha mən əlavə nişanə qoymadım.
Qonşu soruşur:
– Nə idi nişanəsi?
Molla deyir:
– Mən pulu basdıranda göydə bir parça bulud var idi, haman yerə
kölgə salmışdı. Mən də elə pulu o kölgədə basdırdım. İndi mənim bu
dönmüş bəxtimdən zəhrimar bulud hara isə çıxıb gedib, kölgəsini də
özü ilə aparıb.
Anarim.Az - in Letifeler Toplusu Bolumu

Letifeler Toplusu

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019