Molla bir gün qəbiristanda bir qoca it görür. Arxayın olur ki, qapa
bilməyəcək, ona görə də əlinə bir ağac parçası alıb, yüyürür itin üstünə.
İt Mollanı əliağaclı görcək yerindən qalxır, dişlərini qıcadaraq mırıldamağa
başlayır. Molla işi belə görəndə tez əlindəki ağac parçasını
atıb deyir:
– Yaxşı, yaxşı... Daha dişlərini qıcama! Bilmədik ki, səninlə zarafat
eləmək olmazmış.